Fiel á súa cita anual volve Ocioleiros a convocar os talleres, a través de dous cursos de 16 sesións cada un, daremos a probar máis de 400 viños das 5 DD.OO. e IXPs de Galicia. Non o demores, cóbrense en días todas as prazas.

Xa está todo preparado para que comezemos a impartir un novo “Obradoiro de Viños e destilados de Galicia”. Levamos xa 13 anos impartíndoos. Pola aula do obradoiro de Viños no Centro Municipal de Formación Isaac Díaz Pardo xa pasaron 930 alumn@s de 34 seminarios.

Cunha media de 115 referencias cada grupo fan un total aprox. de 7.820 referencias de viños galegos etiquetados. Esta iniciativa do Concello de Oleiros consolidou unha masa crítica de coñecedores e embaixadores dos viños de Galicia, iso que non o dubide ninguén, sábeno perfectamente os hostaleiros e distribuidores da comarca. Conta a lenda que hai xente que se censa en Oleiros, na casa dalgún amigo para poder optar a algunha das solicitadísimas prazas.

Poderían tomar nota outros concellos, deputacións e Xunta. Se cadra fai falla algo menos de orquestras e luces de cores e máis iniciativas como esta.

Máis información e reserva de prazas en:

Concello de Oleiros

Medios de Contacto

Tel. 981 610 000 / 981 636 598

afabrica@oleiros.org